ඔලෙන්කා තම පියාගෙන් හිමිවුනු ගේකුත් වත්තකුත් ඇත්තියකි. නාට්‍ය ශාලාවක කළමනාකකරුවකු වන කුකින් වැසි සුළං දවසෙහි ජනයා නාටක බැලීමට නොපැමිනීම නිසා අලාභ විදියි.හොද උසස් නාටකයක් දක්වන දවසෙහි ජනයා නොපැමිනීම නිසාද අලාභ විදියි.ඹහු පහළ පන්තියේ විගඩමක් පෙන්නා ලාභ ලැබීමට සිතයි. ඔහු තමාට සිදුවන අලිභයත් තමා විදීන දුක් පීඩාත් ඹලෙන්කා ඉදිරියෙහි කියයි.
ඹහුගේ විපත දකින දුක් පීඩා අසන ඹලෙන්කාගේ සිතෙහි බලවත් අනුකම්පාවක් උපදියි .ඈ තම පියා ජීවත්ව සිටියදී පියාට ඇල්ම කලාය නැන්දාවක පැමිනි විට ඈට ආලය කළාය පාසැලහෙදි ඈට ප්‍රන්ස බස ඉගැන්නූ ගුරුවරියට ආලය කළාය.ඈට කිසිවකුට ආලය නොකොට ජීවත්විය නොහැකිය.
නාටක ශාලාවේ සිට කුකින් ගෙදර යනවිට දොරකඩ අවුරා සිටින තිර රෙද්ද අතරින් ඈ මහු දෙස බලා ඹහුට සිනාවකින් සංග්‍රහ කරයි.ටික දවසකින් පසු ඹහු ඈට විවාහ යෝජනාවක් කරයි.ඹහු විවාහ වුනු පසු ඈ ඹහු නාටකය ගැන කියන හැම වදනක්ම කියයි.ඹහු නාටකය ගැන සතොස් වදන් කියන කල ඈ දඒ වදන් කියයි .අලාභවීම නිසා දුක් මුසු තෙපුල් තෙපලන විට ඈ දතම යහළු ගෑනුන්ට හා පිරිමින්ට ඒ තෙපුල් ම කියයි.ඹහු හදිසියේ මිය ගිය විට ඈ දුකින් තැවෙමින් කාලය ගෙවයි.
කලකට පසු ඈ යළිත් දැවදඩු වෙලෙන්දකු සමග විවාහ වෙයි.ඔහු හා විවාහ වූ පසු ඈ තම සැමියා දැවදඩු ගැනත් ඒ වෙළදාම ගැනත් කියන තෙපුල්ම තෙපලයි. ඹහු සන්තෝශ වන විට ඈද සන්තෝෂ වෙයි.දුක් වන විට දුක් වෙයි.ඔහුගෙන් වෙන්ව ඈට දවසක දු ජීවත් විය නොහැකිය. ඹහු ගේ සුව පහසුව සදහා ඇ හැම දෙයක් කරමින් ඹහුගේ දැව දඩු වෙළදාමට උද වු කරනු පිණිස උදේ සිට හවස් වන තුරුම වැඩ කරයි .
නාටකයක්වත් බලන්ට යන්නේ නැත්තේ මොකදැයි යශළුවන් අසන විට ඈ කියන්නේ මෙසේය.
නාටක බලන්ට යන්න මටත් මගේ සැමියාටත් කාලයක් නෑ නාටකයෙන් ඇති පලේ මොකක් ද?
ඇගේ සැමියා දැවදඩු සොයන පිණිස දුර පළාතකට යයි. ඹහු සමග යන්ට නොහැකි වූ නිසා ඈ දුකින් කාලය ගෙවයි. ඹවුන් ඇසුරු කරන සමර්නින් නම් පසු වෙදෙක් ඇවිත් ඈ සමග කාඩ් සෙල්ලම් කරමින් ඇගේ ශෝකය තුනී කරන්නට වෑයම් කරයි.ඹහු තම බිරිද අනාචාරයේ හැසිරීම නිසා හැර දමා ජීවත් වන බවත් කුඩා පුතකු ඇති බවත් ඈට මසකට රූබල් හතලිහක් එවන බවත් ඹලෙන්කාට කියයි.
දෙවියෝ උඹ රකිනවා ඇතැයි ඔලෙන්කා මහත් අනුකම්පාවෙන් කියයි.මම සන්තෝෂ කරන්ට ආවාට නුඹට ස්තූති කරනවා දේව මෑණීයන්ගේ පිහිටෙන් උඹ ලෙඩක් දුකක් නැතිව ජීවත් වෙන්න ඕනෑ.
ප්ලැටෙනිව් උඹ බිරිද සමග සාමදාන වී ජීවත් වෙන්න මහන්සි ගනින් උඹේ පුතාව සලකා ඈට සමාව දීපන් .
ඔලෙන්කා තම සැමියා දැව දඩු රැගෙන ආ පසු පසුවෙදා පිළීබද පුවත ඔහුට කීවාය.ඔහුගේ පුතා ගැන ඈ කතාකලේ ශෝකයෙන් සුසුම් පිට කරමිනි.අනතුරුව දෙදෙනාම සුරුවම කරා ගොස් බිම වැතිර තමන්ට ළමයින් ලබාදෙන ලෙස ඇයදීය.
සා අවුරුද්දක් එක පණ සේ ජීවත් වූ අඹු සැමි දෙදෙනාගෙන් සැමියා වැස්සට තෙමීමෙන් හැදුණු හෙම්බිරිස්සාව නරක් වීමෙන් මළේය.
හමසකට පසු ඈ පසුවෙදාගේ බිරිද ලෙස ජීවත් වුවාය .
දවසක පසුවෙදා ඈට මෙසේ කීවේය.උඹට නොතේරෙන දේ කතාකරන්ට එපායැයි මා කියා ඇති
පසුවෙදුන් වන අපි එකිනෙක කතා කරන විට මැදුදට පනින්ට එපා එලෙස කට දමන්ට යාම කන්දොස් කිරියාවකි.
එහෙනම් මා කතා කරන්ට ඕනෑ මොකක් ගැනදැයි අසමින් කදුළු සැලූ ඈ ඔහු වැළද තරහා ගන්ට එපායි කීවාය.
පසුවෙදා යුද සේවයට ගියේය .
ඔලෙන්කා යළීත් තනිවිය.
කිසිවෙකු ට ආලය නොකොට ජීවත් වීම ඈට දුකකි.
කලකට පසුව පැසුනු කෙස් සහිත හිසකින් පසුවෙදා පැමිනියේය.
මම මගේ බිරිදත් පුතාත් සමග මේ පලාතේ පදිංචි වෙන්න ආවායි ඔහු කියයි.
කෝ ඒ ගොල්ලෝ
දෙන්නම හෝටලයක නවත්වා ආවා ඒ ගොල්ල එක්ක පදිංචි වෙන්න තැනක් හොයනවා
මම සතයක් ගෙවල් කුලි ගන්නෙ නෑ මොකටද වෙන වෙල් මෙහෙ නවතින්න ඈ කීවාය.
පසු වෙදා තම බිරිදත් දරුවාත් රැගෙන ඔලෙන්කා ගේ නිවසට පදිංචියට ආවේය.
සෂා නම් ඒ දරුවාට ඔලෙන්කා මහත් ලැදි වුවාය .
යළිත් පිබිදුනු ඇගේ හද දයාවෙන් කරුනාවෙන් බර විය.
ඈ සෂා තම දරුවකු මෙන් සලකා සතුටු විය.
සම්පූර්නයෙන් ජලයෙන් වටවුණු බිම් පෙදෙස දූපත වෙයි .කියමින් සෂා පොත් පාඩම් කරයි.
ඔලෙන්කා ද එයම කියයි.
කලකට පසු දරුවාගේ මව ඇගේ දෙමා පියන්ගේ ගමට යයි.
ඔලෙන්කා සෂා තමා වෙතම බදවා ඔහුට උගන්වයි.
කලකට පසු එන විදුලි පුවතක් ඈ කඩන්නේ වෙවුලන දෑතෙනි .ඇගේ ශෝකයට හේතුව විදුලි පුවත සෂා ආපසු තමා වෙත ගෙන්වා ගනු පිණිස මව විසින් එවන ලද්දක් යැයි සිතීමයි.
එහෙත් විදුලි පුවත එවැන්නක් නොවේ.
මාර්ටින් වික්‍රමසිංහ-චැකොප් හා ලංකාව කෘතියෙන් උපුටන ලදී.
No comments:
Post a Comment